Shëndetësia elektronike, 36 mln euro investime në infrastrukturë në 4 vite
Programi i Shëndetësisë Elektronike me vlerë 14 milionë euro është financuar në qytetin e Elbasanit.
Objektivi kryesor i e-Health është krijimi i një platforme për një shkëmbim të standardizuar të të dhënave klinike të pacientëve, nëpërmjet adoptimit të një teknologjie që është në përputhje me standardet e fundit të BE-së dhe ofrimit të fleksibilitetit në përdorim dhe shkallëzim, duke siguruar një pajtueshmëri afatgjatë me kërkesat e BE-së.
Ministri i Shëndetësisë është shprehur për këtë projekt se , “Në qoftë se ne po punojmë, nga njëra anë për të garantuar cilësi në rezultat dhe ekzaminim imazherik apo laboratorik , do të duhet që ky informacion të jetë i aksesueshëm”. Sipas Beqajt investimet e bëra në këtë drejtim në katër vite janë 36 milionë euro.
Ky projekt, nga periudha Tetor 2014-Nëntor 2016, është implementuar në 79 institucione të ofrimit të kujdesit shëndetësor, në katër Spitale Universitare, 11 spitale rajonale, 25 spitale bashkiake dhe 39 poliklinika të specialiteteve.
Entela Barjamaj/RTV SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.