Shëndetësia, prioritet i 2021-shit – Rama: Rritje pagash për mjekët dhe rimbursim ilaçesh për COVID-19
Shëndetësia do të jetë një ndër prioritetet kryesore të buxhetit për vitin e ardhshëm, i cili është parashikuar me rritje në masën 23.3 për qind për këtë sektor. Gjatë diskutimeve të projektbuxhetit 2021 në seancën plenare, Kryeministri Edi Rama tha se do të vijohet me investimet dhe ndërkohë do të rriten pagat me 40 për qind për bluzat e bardha.
Nga ana tjetër, Rama tha se nga 1 Janari 2021, do të garantohet kurimi falas i pacienteve të prekur me Covid 19.
Pavarësisht dy goditjeve të njëpasnjëshme që ekonomia shqiptare mori si pasojë e tërmetit të 26 nëntorit dhe pandemisë COVID-19, projektbuxheti për vitin 2021 parashikon rimëkëmbje ekonomike. Të ardhurat totale parashikohen të rriten 10.6 %, ndërsa shpenzimet publike për vitin 2021 janë planifikuar në 587.6 miliardë lekë ose 34.9% e PBB.
Elisabeta Dosku / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.