Shëngjini vendoset ‘nën vëzhgim’! Hapet tenderi për instalimin e kamerave monitoruese të cilësisë së lartë në rrugët dhe hapësirat publike
Bashkia e Lezhës ka shpallur tenderin për ndërtimin dhe instalimin e rrjetit të kamerave, në hapësirat publike të Njësisë Administrative Shëngjin.
Fondi limit është 12 miliomnë lekë dhe afati për dorëzimin e ofertave është 09 maj 2022. Vendosja e sistemit të monitorimit të hapësitrave publike me kamera të cilësisë së lartë dhe me sistemin e monitorimit argumentohet me faktin e nevojës për rritjen e sigurisë publike. Sipas propozimit, do të instalohet një sistem me cilësi të lartë dhe i administrueshëm, që funksionon 24 orë.
Qëllimi është të projektojë dhe zbatojë një shërbim survejimi të administrueshëm dhe cilësi të lartë, që të përmbushë këto kritere.
Projekti do të realizojë dhe mundësojë objektivat e mëposhtme:
- Sigurimin fizik në ambientet publike dhe hapësirat e qytetit
- Ndalojë vjedhjet dhe dëmtimet në këto ambiente
- Detektimin e aktiviteteve të paautorizuara dhe të dyshimta
- Parandalimin e praktikave dashakeqe
- Sinjalizimin, dokumentimin dhe raportimet e nevojshme për organet ligjzbatuese
- Ndihmesë në zbatimin e procedurave të sigurisë
- Detektimin dhe parandalimin e incidenteve për sigurinë e qytetarëve
Sistemet e sinjalizimit do të raportojnë në kohë reale për gjendjen e ambienteve të cilat monitorojnë.
Raportimi do të kryhet nga paisja e komunikimit tek operatori i administrimit (roja, administratorja,personat përgjegjës”, policia e shtetit, zjarrfikësja).
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.