Shënon rekord çmimi i gazit natyror – Niveli më i lartë i arritur prej 14 vitesh

Çmimi i gazit natyror i kuotuar në dollarë në Nymex, ka arritur sot çmimin rekord për vitin 2022 në kuotën 9.664 dollarë, një nivel që nuk regjistrohej që nga korriku 2008. Arritja e rekordit të sotëm shumëvjeçar erdhi pas një ecurie rritëse në treg që filloi më 30 dhjetor të vitit të kaluar, kur gazi po tregtohej ende me 3.536 dollarë.

Çmimi i gazit natyror është rritur këtë vit me një mesatare + 1.5% në ditë. Stoqet e gazit në Europë po rriten me një ritëm rekord dhe tani janë mbi mesataren sezonale 10-vjeçare, në pritje të ndërprerjeve të mundshme të papritura të furnizimeve nga Rusia. Stoqet e bollshme lehtësuan pak presionin në rritjen e çmimeve, por ato mbeten të qëndrueshme në nivelet e tyre maksimale 14-vjeçare.

Tregtarët parashikojnë një lehtësim të shkallës së grumbullimit të inventarit gjatë javëve të ardhshme, me ngarkesa më të mëdha të gazit të lëngshëm, të devijuara në vendet e Azisë Lindore dhe Jugore. Magazinimi i planifikuar për periudhën pas verës është tashmë shumë mbi mesataren dhjetëvjeçare dhe suficiti është vazhdimisht në rritje.

Europa ka shtuar inventarë me një normë mesatare prej 4.73 terravat orë në ditë në ditë gjatë dy javëve të fundit krahasuar me një rritje mesatare prej vetëm 3.63 terravat orë midis 2012 dhe 2021. Kjo normë akumulimi nuk mund të konsiderohet objektivisht e qëndrueshme, pasi nuk ka më hapësirë ​​në dispozicion për të grumbulluar më shumë gaz me këtë ritëm.

Për të zbutur fluksin hyrës, çmimet e të ardhmes së gazit për Europën Veriperëndimore në korrik 2022 ranë në 80 euro për megavat orë, nga niveli më i lartë prej 207 euro i regjistruar në fillim të marsit dhe në nivelin më të ulët që nga para pushtimit rus të Ukrainës.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.