“Shërbim i dobët e korrupsion” – Shëndetësia, këshilltari i CDU: Ka nevojë për analizë të thellë
Sistemi shëndetësor shqiptar paraqet një sërë problematikash, duke nisur nga shërbimi i dobët e deri te korrupsioni”. Deklarata vjen nga kryekëshilltari ekonomik i CDU/ CSU Martin Henze, gjatë një prononcimi dhënë për TV SCAN.
Henze thotë se janë një sërë masash që duhen ndërmarrë për të përmirësuar këtë situatë, por më kryesorja është analiza e detajuar që duhet t’i bëhet sektorin dhe vendosja e prioriteteve në periudhë afat shkurtër e më pas në atë afatgjatë.
Henze është një prej këshilltarëve edhe të Partisë Demokratike në hartimin e programit të shëndetësisë, ku ndër të tjera ka kërkuar hartimin e mekanizmave kontrollues përpara miratimit të kontratave të partneritetit publik-privat në këtë sector. Henze ishte i pranishëm edhe në konferencën e organizuar nga Fondacioni Konrad Adenauer, ku ndër të tjera kryetari I Partisë Demokratike Lulzim Basha deklaroi se në programin qeverisës parashikohet se pagave minimale e mjekëve do të jetë 1200 euro dhe e infermierëve 700 euro.
Ola Mitre/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.