Shërbime të integruara shëndetësore dhe sociale – Investimi në qendrën shëndetësore Nr.1, Manastiruliu: Nisim pilotimin

Ministria e Shëndetëisisë dhe Mbrojtjes Sociale do të nisë pilotimin e ofrimit të paketës së shërbimeve të integruara sociale dhe shëndetësore. Shërbimi i ri do të nisë pas rindërtimit të qendrës së re shëndetësore nr.1, që i shërben 82 mijë banorëve të Tiranës.

“Vendosja në këtë godinë të re e Qendrës Shëndetësore 1, së bashku me shërbime të integruara, është pjesë e strategjisë tonë të re për kujdesin parësor, një strategji e miratuar nga qeveria në muajin Maj të këtij viti dhe që synon të integrojë shërbimin shëndetësor me kujdesin social. Ne fillojmë dhe pilotojmë shërbimet e integruara nga Qendra Shëndetësore nr.1, që do të transformohet, për të ofruar një kujdes cilësor për komunitetin dhe për të bërë të mundur shërbimet shëndetësore të integruara. Një sfidë e radhës e qeverisë për të ndërtuar një sistem të kujdesit parësor që i përshtatet popullatës, në kuadër të strategjisë së re të shërbimit parësor”.

Sherbimi i interguar parashikon krijimin e mjediseve të përshtatshme për komunitetin, qoftë për nënat e reja, qoftë për fëmijët, po edhe për personat me aftësi të kufizuar, që aktualisht kanë akses të kufizuar. Ndërkaq, pavarëissht situatës së krijuar nga COVID-19, që kërkon një rrtije të shpenzimeve në sektorin shëndetësor,  sipas Mansitrliut do të vijojë puna për rehabilitimin e 300 qendrave shëndetësore në  të gjithë vendin.

“Jemi të të angazhuar për të vijuar programin tonë të rehabilitimit të 300 Qendrave Shëndetësore dhe ambulancave në të gjithë Shqipërinë. Puna ka filluar edhe për këtë vit dhe në Tiranë do të kemi më shumë se 9 qendra shëndetësore dhe ambulanca që do të rehabilitohen”.

Në të gjithë qarkun e Tiranës janë rikonstruktuar 40 qendra shëndetësore dhe ambulanca vetëm gjatë dy viteve të fundit. Në të gjithë vendin janë 180 qendra të rindërtuara dhe investimet vijojnë edhe këtë vit, me programin kombëtar të rehabilitimit të 300 qendrave shëndetësore.

Ola Mitre / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.