Shërbimet e emergjencës – Përurohen ambientet e reja në Pezë

Një zgjerim i ambienteve dhe instalim i pajisjeve dhe mobiljeve të dhuruara nga Policia Federale e Zvicrës do të mundësojnë më shumë trajnim dhe arsim të vazhduar për shërbimet shëndetësore, policinë dhe zjarrfikësit. Në përurimin e ambienteve të reja në Pezë morën pjesë Ambasadori zviceran Christoph Graf, Zv. Ministrja e Shëndetësisë Ardjana Jaku, dhe drejtoresha e Qendrës Kombëtare për Edukimin në Vazhdim, Entela Shehu.

“Kjo Qendër do të trajnojë profesionistë shqiptarë të shëndetësisë, policisë dhe shërbimeve zjarrfikëse, dhe gjithashtu edhe kompani dhe institucione që kanë nevojë të trajnojnë stafin për shërbime emergjence. Cilësia zvicerane është e garantuar: në këtë qendër unë ndihem si në Zvicër. Disa nga vlerat më të mira zvicerane duken qartë në punën e kësaj qendre dhe të fondacionit: cilësia; precizoni dhe inovacioni”, tha Ambasadori Christoph Graf.

Qendrën e Trajnimeve për Shërbimet e Emergjencës u ngrit në 2007 nga Fondacioni Zviceran për Inovacion dhe ka ofruar kurse trajnimi mbi shërbimet e emergjencës dhe sigurinë teknike gjatë këtyre 10 viteve. Qendra ofron trajnim profesional sipas modelit ‘dual’ zviceran: një kombinim i teorisë me praktikën e llojit ‘duart në punë’ e cila është provuar superiore ndaj modelit kryesisht teorik.

Profesionistët që punojnë në shëndetësi, polici, ushtri, brigadat zjarrfikëse ose në sigurinë teknike, do të përfitojnë nga kurrikulumi i një standardi të lartë të kësaj qendre. Po ashtu shumë kompani apo institucione të cilat duan të përmirësojnë kapacitetin për të trajtuar emergjenca apo rreziqet në punë, po marrin kurse të shkurtra për të trajnuar punonjësit.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.