Shërbimet konsullore në Greqi/ Shqiptarët të pakënaqur: Që nga Marsi, pa viza për bashkim familjar
Kostot e larta dhe vonesat në pajisjen me dokumentacione , si edhe pezullimi për një kohë të gjatë të vizave për bashkim familjar kanë qenë kërkesat kryesore të shoqatave të komunitetit shqiptar në shtetin Grek . Gjatë një interpelance të zhvilluar me ministrin në detyrë për Evropën dhe punët e jashtme Gent Cakaj, ata kërkuan marrjen e masave për ofrimin e shërbimeve deri në fund të vitit.
“Për shkak të COVID-19 zyrat konsullore grek në Shqipëri u mbyllën dhe të gjitha pasaportat e dorëzuara sipas takimeve të mbyllura përfundojnë poshtë për një takim të ardhshëm. Ky takim nuk është bërë ende i mundur dhe këta qytetarë që gëzojnë një pasaportë biometrike shqiptare nuk kanë mundësi të hyjnë në territorin greke dhe kjo do të thotë që familjet janë të ndara dhe fëmijët që kanë shoqëruar një prej prindërve në Shqipëri, sot nuk vazhdojnë shkollën. Një pasaportë që qytetari shqiptar të niset nga Rodosi në Athinë i vete rreth700 -800 euro ta evitojmë këtë nëse shteti shqiptar ka mundësi ta bëjë.”
Cakaj i ka quajtur të drejta shqetësimet e ngritura duke siguruar se po synohet dixhitalizimi i shërbimeve dhe shtrirjen e rrjetit të ofrimit të tyre kryesisht në Kretë dhe Rodos
“Tashmë kemi arritur një marrëveshje me Aleatin për të filluar me skuadrat mobile që do të fillojnë ofrimin e shërbimeve ko0nsullroe veçanërisht në Kretë dhe po punojmë që këto skuadra mobile të ofrojnë shërbimin e tyre edhe në Rodos.”
Lidhur me çështjen e vizave për bashkim familjar Cakaj u përgjigj :
“Ne nuk mund të ndryshojmë masat apo vendimet që ka marrë Greqia për këtë çështje, por duhet sqaruar që nuk janë masa të marra ekskluzivisht nga Greqia për ne, po për shumë shtete të Evropës. Ne jemi në kontakt të vazhdueshëm me Greqinë në mënyrë që të rrisim ndjeshmërinë e tyre për të nisur sa më shpejt bisedimet dhe për të mundësuar sa më shpejt lëshimin e vizave që mundëson edhe bashkimin familjar.”
Aktualisht për shqiptarët në Greqi ofrohen 43 shërbime konsullore, numër të cilit iu shtuan vitin e kaluar dhe 4 sherbime te tjera online ne platformen e.albania .
Nertila Doko / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.