Shërbimet “mbizotërojnë” Tiranën! Kryeson tregtia, industria dhe ndërtimi “fillestarë”
Mbi 88 për qind e bizneseve të përqendruara në kryeqytet kanë të bëjnë me shërbimet, ndërsa pjesa e mbetur prej rreth 11.4 për qind përfshihen në kategorinë prodhues të të mirave.
Referuar të dhënave të Bashkisë së Tiranës, rezulton se në kategorinë e shërbimeve, numrin më të lartë të subjekteve që ushtrojnë veprimtarinë ne kryeqytet e përbëjnë ato tregtare, me 34.3 për qind, ndërsa shërbimet etjera zënë një peshë prej 32.8 për qind. 14 për qind e zënë subjektet e akomodimit dhe shërbimit ushqimor, ndërsa pjesën më të vogël e përbën tregtia informacioni dhe komunikacioni me 4 për qind e në fund transporti e magazinimi me 3.4 për qind.
Sa i përket kategorisë së dytë, industria zë 6.7 për qind, ndërtimi 4 për qind, ndërsa aktivitetet bujqësore, të pyjeve dhe peshkimit, zënë një pjesë thuajse të pandjeshme në vetëm 0.6 për qind.
Shifrat e fundit i përkasin vitit 2017, po po të analizojmë ecurinë ndër vite, vihet re se me rritjen e numrit të biznesve, rritet dhe përqindja në kategoritë përkatëse, ndërsa shërbimet dominojnë ndejshëm ekonominë.
Prodhuesit e shërbimeve
Tregtia 34.3 %
Shërbime të tjera 32.8 %
Akomodimi dhe shërbimi ushqimor . 14 %
Informacioni e komunikacioni 4 %
Transporti e magazinimi 3.4 për qind
Prodhuesit e të mirave
Industria 6.7 %
Ndërtimi 4.1 %
Bujqësia, pyjet, peshkimi 0.6 %
Elisabeta Dosku/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.