Shërbimet sekrete në Instagram-Ja fotografia më e përfolur e rrjeteve sociale
Instagram-it ju shtua një tjetër ‘përdorues’ aspak i zakonshëm që nga dita e djeshme. Llogaria në fjalë i përket pikërisht Agjencisë Qendrore të Inteligjencës Amerikane CIA, e cila si imazh të parë në rrjet hodhi një fotografi që përshkruan më së miri natyrën ‘klandestine’ të agjencisë. Në pamje vihen re sende të ndryshme të shpërndara në atë që duket të jetë një zyrë pune. Por, siç tregon sugjerimi i fshehtë i fotografisë, shumë prej tyre kanë një kuptim të fshehur.
Më specifikisht shihen qartë një orë tavoline, një distinktiv punonjësi, harta të Rusisë dhe Kinës, dhe sigurisht dallohet letra murale tipike e viteve 1970 duke u dukur kështu si t’i përkisnin një analisti tipik të CIA-s. Digjitura e fotografisë shënonte “ Unë spiunoj me syrin tim të vogël…”.
Shumica e sendeve u përkasin punonjësve të tanishëm të CIA-s, sipas CBS News.
Disa nga artikujt që përfshihen në fotografi janë:
- Një fotografi e drejtoreshës së CIA-s Gina Haspel nga viti 1985 në një distinktiv si dhe numri 0911947 shfaqet në distinktiv. CIA filloi të funksionojë më 18 shtator 1947.
- Një statujë prej guaskë të artë që përfaqëson Atenën, perëndeshën greke të urtësisë.
- Një orë tavoline që shënon 8:46, orën kur American Airlines Flight 11 goditi Kullën e Veriut të Qendrës Tregtare Botërore gjatë sulmeve terroriste të 11 shtatorit 2001.
- Një kuti që përmban butona këmishe që janë përdorur nga një oficer i rastit dhe nga një punonjës tjetër. Të dy personat e CIA-s thuhet se nuk u takuan kurrë me njëri-tjetrin dhe përdorën këto butona për t’u identifikuar.
- Një bimë për të përshkruar një “bimë” të inteligjencës.
- Vula famëkeqe e klasifikimeve të dosjeve.
- Diçka që ngjan me një paruke gri.
- Një qese për magazinim provash nën tryezë.
- Një imazh i Tony Mendez, një oficer i CIA-s i cili mbikëqyri shpëtimin brutal të vitit 1979 të gjashtë pengjeve amerikane në Iran.
“Hyrja në Instagram është një mënyrë tjetër për të ndarë histori të CIA-s dhe si për të rekrutuar amerikanë të talentuar për të punuar tek ne”, tha një zëdhënës i CIA-s për CBS News. “Nëpërmjet llogarisë, ne do të japim një vështrim më të qartë të ‘jetës’ së Agjencisë, por mos prisni ndonjë ‘selfie’ nga ambiente të fshehta pune”, shtoi ai.
Ekipi i punëve publike të CIA-s kohët e fundit bëri një tjetër lëvizje në mediat sociale duke ju referuar një skene nga “Game of Thrones” të HBO-së (stacion televiziv amerikan), ku paraqitet si personazh ekstra, ish zëvendësdrejtori i CIA-s David Cohen.
Burimi: Business Insider
Përshtati: E.S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.