“Sherr” mes populistëve në Itali – Di Maio: Liga po hedh poshtë Qeverinë me skandale të korrupsionit!

Lëvizja 5-Yjet deklaroi se partneri në koalicion, Liga, po kërcënon të hedhë poshtë Qeverinë mbi një skandal të korrupsionit që përfshin një politikan të lartë të partisë.

Akuza u refuzua menjëherë nga lideri i Ligës, Salvini, megjithatë, fjalori i ashpër vuri në dukje përkeqësimin e marrëdhënies mes 2 aleatëve në koalicion,  përpara zgjedhjeve parlamentare të Bashkimit Europian. Koalicioni u përfshi në trazira këtë javë kur Armando Siri, një këshilltar ekonomik i Salvinit, u hetua për pranimin e ryshfeteve për të promovuar interesat e kompanive të energjisë së rinovueshme.

Siri, që shërben si nënsekretar në Ministrinë e Tarnsportit, i ka mohuar akuzat. Por, menjëherë pas lajmeve mbi hetimet, Ministri i Transportit Danilo Toninelli, që është anëtar i 5- yjet, e përjashtoi atë nga Qeveria. Kjo lëvizje irritoi Ligën dhe nxiti armiqësi mes 2 partnerëve në koalicion.

“Edhe në ditët e sotme,  Liga po kërcënon mposhtjen e Qeverisë. Jam i Tronditur.  I kujtojmë atyre se kur morën detyrën, ata dukeshin të dyshimtë dhe i ndaluam”, shkroi Di Maio në Facebook,  ku shtoi se partia e tij ka parë edhe më herët Armando Siri që ka propozur masa kontroverse. Lideri i Ligës, Mateo Salvini, reagoi me një deklaratë të shkrutër.  “Liga kërkon të qeverisë mirë dhe për një kohë të gjatë, në interes të italianëve.  Mendimet e një krize qeveritare ndodhin vetëm në kokën e Di Maio”, -tha Salvini.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.