Shifrat/ Sa pasagjerë kanë hyrë në portin e Durrësit në 3 ditët e fundit! APD: Grup i përforcuar mjekësh. U njohën me gjendjen shëndetësore
Autoriteti Portual Durrës njofton se po tregohet kujdes i shtuar shëndetësor në Terminalin e Trageteve në portin më të madh të vendit.
“Dy tragete me 452 udhëtarë gjithsej janë akostuar sot paradite në portin e Durrësit. Një grup i përforcuar mjekësh, si dhe personeli mbështetës janë kujdesur për t’u njohur me gjendjen shëndetësore dhe itinerarin e lëvizjes së tyre, para mbërritjes në portin e Durrësit. Udhëtarët kanë bashkëpunuar për zbatimin e protokollit, sipas udhëzimeve të Ministrisë së Shëndetësisë” njofton Autoriteti Portual.
Që nga fillimi i këtij muaji, Instituti i Shëndetit Publik dhe APD kanë bashkërenduar masat për të përballuar rrezikun e koronavirusit në pikëkalimin kufitar të portit më të madh të vendit.
Në Terminalin e Trageteve është dyfishuar numri i personelit shëndetësor, si pjesë e grupit kombëtar të Task Forcës, me anëtarë nga sektori i Mbrojtjes së Shëndetit në APD, si dhe nga ISHP dhe Drejtoria vendore e Shëndetit Publik.
Statistikat për 3 ditët e fundit:
Datë, 23.02.2020:
3 tragete( 2 Bari- Durrës + 1 Ankona- Durrës);
945 pasagjerë kanë hyrë në vendin tonë.
Datë, 24.02.2020:
2 tragete(Bari- Durrës)
446 pasagjerë, në hyrje.
Dt. 25.02.2020
2 tragete(Bari- Durrës)
452 pasagjerë, në hyrje
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.