Shifrat / Sa shumë janë përhapur teori të rreme konspirative rreth koronavirusit që fajësojnë Gates për krijimin e Covid-19

Qëndrimi i Bill Gates për mënyrën e luftimit të koronavirusit e ka bërë atë një objektiv masiv për teoricienët e konspiracionit në internet, sugjeron analiza nga New York Times.

Ndërmarrja e analizave të mediave, Zignal Labs kreu një hulumtim që zbuloi se që nga fillimi i postimeve pandemike të koronavirusit, në mediat sociale në mënyrë të rreme eshtë postuar se themeluesi i Microsoft-it ka krijuar qëllimisht virusin në laborator. Në total Zignal Labs gjetur se teoritë e konspiracionit që fajësojnë Gates për virusin u përmendën 1.2 milion herë si në mediat sociale ashtu edhe në transmetimet televizive.

Zignal Labs gjeti 16,000 postime në Facebook duke fajësuar Bill Gates për pandeminë, të cilat kishin mbledhur gjithsej 900,000 pëlqime dhe komente, dhe dhjetë videot më të njohura në YouTube në mars dhe prill, duke përhapur dezinformata për Bill Gates tërhoqën 5 milion shikime në total.

Sipas The Times, rritja e teorive të komplotit që fajësojnë Bill Gates duket se lidhet me figura të shquara të krahut të djathtë ekstrem dhe ata që janë kundër vaksinimit të popullsisë.

Organizata filantropike e Bill Gates, fondacioni Bill dhe Melinda Gates ka premtuar 250 milion dollarë drejt luftimit të koronavirusit, pjesë e të cilave do t’i kushtohet zhvillimit dhe prodhimit të një vaksine.

FullFact hodhi poshtë me fakte një postim të njohur në Facebook i cili qarkulloi në mes të marsit që pretendonte se Gates kishte krijuar virusin për të kontrolluar botën.

D.B – SCAN

Burimi: Business Insider

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.