Shifrat zyrtare/ Sa ndikoi pandemia në shkëmbimet tregtare mes Shqipërisë dhe Italisë

Italia është një nga vendet më të prekura nga pandemia dhe masat për vendosjen e situatës nën kontroll dhe për parandalimin e përhapjes së mëtejshme, kanë dhënë efekt ndër të tjera edhe të shkëmbimet tregtare.

Referuar të dhënave të tregtisë së jashtme të INSTAT, Italia është partneri kryesor tregtar dhe njëkohësisht është edhe vendi me të cilin Shqipëria ka rënien më të madhe të shkëmbimeve tregtare. Edhe pse tendenca është që situata të shkojë drejt stabilizimit, eksportet dhe importet mes dy vendeve kanë një hendek të madh në krahasim me një vit më parë.

Në periudhën janar-qershor Shqipëria ka eksportuar në Itali mallra në vlerë 57 miliardë lekë duke njohur një rënie me -18.7 miliardë lekë në krahasim me 6 mujorin e parë të vitit të kaluar.

Edhe importet kanë pasur të njëjtën tendencë.

Në janar-qershor 2020 Shqipëria importoi nga Italia 65 miliardë e 997 milionë lekë mallra. Në krahasim me 6 mujorin e vitit të kaluar, këtë 6 mujor rënia e importeve është me -16.5 miliardë lekë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.