Shiten pronat e sekuestruara/ 4 mln USD prona në Spitallë, pyje, ara e apartamente luksoze

Nga pyje, në kompani inertesh, nga tokë arë në apartamente luksoze në bregdet. Rreth 4 milionë dollarë pasuri të paluajtshme të sekuestruara nga gjykata e krimeve të rënda janë nxjerrë në shitje nga Ministria e Financave.

Pronat në fjalë janë sekuestruar nga Gjykata e Shkallës së Parë për Krime të Rënda dhe të lëna në fuqi nga Gjykata e lartë.

Pronat janë nxjerrë në shitje nga Agjencia e Administrimit te Pasurive te Sekuestruara dhe te Konfiskuara. Ndër pasuritë më të shtrenjta bie në sy një sipërfaqe are prej 9 mijë metrash katrorë në zonën e Spitallës me vlerë 100 milionë lekë.

Një tjetër pasuri me vlerë të konsiderueshme është një sipërfaqe pylli prej 4,500 metrash katrorë në Pojan të Fierit, me vlerë 98 milionë lekë.

Në listë vërehet edhe një kompani inertesh ndërkohë që nuk mungojnë as apartamentet luksoze në bregdet.

Lorenc Rabeta/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.