Shitja e Telekom, Rama: Bizneset serbe janë të mirëpritura, por jo në këtë sektor strategjik
Bizneset serbe janë të mirëpritura në Shqipëri, por nuk janë në preferencën tonë, sa i përket shitjes së “Telekom Albania”. Ka qenë kjo përgjigja e kryeministrit Rama, i pyetur nga gazetarët, nëse qeveria shqiptare ka ndikuar që Telekom Albania të mos pranojë ofertën e Telekom Serbia.
“Së pari qeveria shqiptare nuk është pjesë e transaksionit që do të kryejë një kompani private si Deutsche Telekom e cila ka një strategji tërheqjeje nga tregjet e vogla dhe po bën shitje jo vetëm në Shqipëri me kompaninë që do të zgjedhë të shesë biznesin, por ky është një sektor strategjik dhe natyrisht qeveria shqiptare pyetet dhe kërkohet një mendim nga vetë ata që janë të interesuar. Dhe qëndrimi i qeverisë shqiptare është shumë i thjeshtë dhe shumë i qartë. Bizneset serbe janë të mirëpritura në Republikën e Shqipërisë por në këtë sektor strategjik nuk është preferenca jonë.”
Ekskluzive/ Turqit futen në “lojë”! Çalik Holding bën ofertë për blerjen e Telekom Albania
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.