Shitje në fazën e sekuestros – Ndryshon ligji për konfiskimin e pasurive

Pasuritë e luajtshme, që prishen, amortizohen apo u bie vlera shpejt, do të shiten nga agjencia përkatëse që në fazën e sekuestrimit, duke mos pritur vendimin përfundimtar të konfiskimit. Kjo është kompetenca e re që i shtohet institucionit përgjegjës dhe që është diskutuar në Komisionin Parlamentar për Sigurinë Kombëtare.

Sipas draftit, përdorimi i kësaj procedure do të bënte që vlera e realizuar nga shitja e pasurisë të ruhej në një llogari bankare të veçantë, e në rast revokimi të sekuestrimit t’i kthehej pronarit të ligjshëm, ndërsa në rast konfiskimi të kalonte në buxhetin e shtetit. Drafti është hartuar në përputhje me rekomandimet e MoneyVal.

Elisabeta Dosku/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.