Shitjet e makinave në Britani – Pritet rënia e parë vjetore që prej 2011, pasiguritë politike ulin kërkesën
Shitjet e makinave të reja në Britani ranë me 9.3% gjatë muajit Shtator dhe pritet të tregojnë rënien e parë vjetore që prej vitit 2011. Shtatori ka qenë muaji më i fortë i shitjeve në historik.
Shitjet morën goditje nga pasiguritë politike dhe të bizneseve, ndërkohë që Britania përgatitet të dalë nga Bashkimi Europian.
Shitjet e makinave të reja në Britani arriti në një total prej 426,170, me kërkesën që pati ngadalësim në të gjithë vendin, tregojnë të dhënat e industrisë.
Sipas analistëve, shqetësimet politike po reduktojnë humorin e blerësve dhe pritet që bizneset dhe konsumatorët të vonojnë planet e tyre për blerje.
Kërkesa për makinat me naftë ra me 21.7% ndërsa për benzinë, me 1.2%. Shitjet ndaj bizneseve ranë me 10.1% ndërsa ndaj konsumatorëve me 8.8%.
Kjo tregon se bizneset po ngurojnë në zëvendësimin e automjeteve të tyre, në një kohë të ngadalësimit të aktivitetit ekonomik. Rritja ka pasur vetëm kërkesa për makinat elektrike dhe ato hibride, me 41%.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.