Shitjet e makinave në Mbretërinë e Bashkuar bien përsëri, por rritet kërkesa për automjete elektrike
Shitjet e automjeteve britanike ranë me një 1.6% duke e bërë gushtin muajin me shitjet më të ulta pasi kërkesa për modele me naftë vazhdoi të bjerë.
Por ajo që vihet re është se numri i shitjeve të automjeteve elektrike është rreth 4 herë më i lartë nga periudhat e kaluara.
Kërkesa, muajin e kaluar ishte rreth 92.000 vetura në tregun e dytë më të madh në Europë të automobilave, sipas të dhënave nga Shoqëria e Prodhuesve dhe Tregtarëve
“Gushti është zakonisht muaji më i qetë i tregut të makinave, kështu që rritja e madhe e regjistrimeve të automjeteve elektrike është shumë e dukshme, por veçanërisht e mirëpritur,” tha Shefi Ekzekutiv i Shoqërisë së Prodhuesve dhe Tregtarëve.
Automjetet elektrike nuk lëshojnë emetime apo ndotin ambientin por i vetmi problem i hasur nga konsumatorët është mungesa e infrastrukturës si dhe kostoja.
Nebi Xhomaqi / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.