Shkaqet e “rënies” së Shqipërisë – Denaj: Reformat duan kohë, metodologjia na penalizon
Ministrja e Financave dhe Ekonomisë, Anila Denaj sqaroi arsyet përse Shqipëria ka rënë 19 vende në renditje sa i përket lehtësisë së të bërit biznes. Sipas saj, lidhur me përkeqësimin e indikatorit të lejeve të ndërtimit, shkak është taksa e rritur e infrastrukturës.
Më tej Ministrja sqaron se rënia vjen edhe për shkak të metodologjisë së vlerësimit, ndërsa reformat duhet të finalizohen që të japin efektin e tyre.
E pyetur nga Tv SCAN lidhur me buxhetin 2020 dhe paketën fiskale, Denaj bëri me dije se edhe këtë vit do të mbështeten projektet prioritare si dhe sektorët si arsimi e shëndetësia.
Lidhur me paketën e solidaritetit, Denaj bëri me dije se po analizohen treguesit financiarë dhe la të hapur mundësinë për një akt tjetër normative në prag të vitit të ri.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.