“Shkarkimet në Kaskadën e Drinit, minimale” – KESH: Prodhimi po plotëson gjithë nevojat për energji. ARRSH: Shoferët të bëjnë kujdes
Korporata Elektorenergjetike Shqiptare po mban në minimum shkarkimet në Kaskadën e Drinit, për të mos patur impakt në drejtim të përmbytjeve në zonën e nën Shkodrës. Sipas këtij dikasteri, që prej ditës së djeshme KESH parapriu 2 herë me uljen e shkarkimeve të prurjeve të mëngjesit të së enjtes, edhe pse dita nisi me prurje shumë të larta që arritën në 2600m3/s. Ndërkaq, sipas të dhënave të përditësuara, hidrocentrali i Fierzës po prodhon 6,434 Mwh energji, ai i Komanit 13,197 Mwh, ndërsa hdorecentrali i Vaut të Dejës 4320 Mwh, me një total prej 23 951 Mwh energji.
Sipas KESH, prodhimi total plotëson të gjithë kërkesën për energji elektrike të konsumit për vendin, çka reflektohet edhe në blerjet e energjisë nga Furnizuesi i Tregut të Lirë, që nuk ka hapur asnjë procedurë për blerjen e energjisë, me qëllim plotësimin e nevojave konsumatore. Ndërkaq, reshjet intensive në të gjithë territorin e vendit kanë sjellë edhe problematika në rrugë, por që sipas Autoritetit Rrugor Shqiptar nuk kanë penguar qarkullimin e mjeteve.
Sipas këtij dikasteri është punuar në disa aske për heqjen e inerteve të rëna në rrugë e më konkretisht në aksin e Valbonës, Skurraj-Burrel apo në aksin Fushë Arrëz-Kalimash. Po ashtu, në Llogara ka patur reshje breshëri me intensitet shume të lartë, ndërsa sipas ARRSH është punuar nga kontraktori për pastrimin. Nisur nga situata e reshjeve, që pritet të vazhdojnë, Autoriteti Rrugor Shqiptar iu bën thirrje drejtuesve të mjeteve të tregohen të kujdesshëm, të reduktojnë shpejtësinë dhe të respektojnë sinjalistikën rrugore.
TABELA
Nivelet në liqenet e Kaskadës së Drinit
Hec Fierzë 291.86 mmnd, ( kuota max. 296 mmnd)
Hec Koman 171.21 mmnd, ( kuota max. 175.5 mmnd)
Hec Vau i Dejës 73.81 mmnd ( kuota max. 76 mmnd)
Shkarkimet nga prodhimi dhe portat e shkarkimit
Hec Fierzë – 280 m3/s nga prodhimi, 0 m3/s shkarkime nga portat.
Hec Koman – 678 m3/s nga prodhimi, 400 m3/s shkarkime nga portat.
Hec Vau Dejës – 442 m3/s nga prodhimi, 500 m3/s shkarkime nga port-at
Prodhimi në të tre HEC-et
Hec Fierzë, 6,434 Mwh (ditor)
Hec Koman, 13,197 Mwh (ditor)
Hec Vau Dejës, 4,320 Mwh (ditor)
Ola Mitre / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.