Shkarkohet drejtuesi i Shërbimit Spitalor të Kosovës pas shkeljeve të zbuluara nga auditi i brendshëm
Në Kosovë, Bordi i Shërbimit Spitalor dhe Klinik Universitar i Kosovës ka shkarkuar drejtorin e përgjithshëm, Basri Sejdiu.
Në njoftimin e bërë për mediat shkruhet se z.Sejdiu është shkarkuar pas kontrollit të bërë nga auditi i brendshëm, i cili ka vërejtur shumë shkelje dhe keqmenaxhim në drejtimin e institucionit, që është edhe në vijën e parë të përballjes me virusin COVID-19. Në vend të Sejdiut, ushtrues detyre është caktuar Valbon Krasniqi.
“Shkarkimi vjen si pasojë e performancës jo të kënaqshme dhe mospërmbushjes së detyrave të punës”, shkruhet në njoftimin për medie të ShSKUK-së.
Sipas, auditimit ShSKUK po vepronte me një performancë të dobët, ndërkohë që janë konstatuar shkelej të tilla si dallime të mëdha mes numrit të pacientëve që marrin shërbimin, dhe atyre që i bëjnë pagesat si dhe trajton edhe shumë aspekte të funksionimit të spitaleve publike, ku mes tjerash është theksuar se aplikojnë norma të ndryshme për hapjen e historisë mjekësore, raporton media Koha pas zbulimit të dokumentit.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.