“Shkeli betimin, të shkarkohet Meta” – Deputetët: Cënoi marrëdhëniet me partnerët. Hyseni: Ka dhe elementë vepre penale

Me nisjen e fazës së analizimit të shkeljeve kushtetuese të Presidentit Meta pas përfundimit të administrimit të provave, Deputetet e Komisionit Hetimor kanë ashpërsuar tonet lidhur me akuzat që ngrihen ndaj tij. Deputetet Klotilda Bushka e Vasilika Hysi theksuan se Presidenti nuk përfaqëson një pushtet të katërt në Shqipëri, dhe se në asnjë mënyrë atij nuk mund t’i lejohet t’i kërkojë llogari Policisë, Prokurorisë, Komisionit Qendror të Zgjedhjeve apo institucioneve të tjera. Ndërkohë që mes shkeljeve më të rënda u cilësuan sjelljet e Presidentit me partnerët ndërkombëtarë të Shqipërisë. Sipas tyre, Presidenti nuk ka asnjë tagër ligjor të shpallë aleanca të ndryshme nga ato që ka miratuar Kuvendi apo ekzekutivi shqiptar.

Mjaft më të ashpër kanë qenë në vlerësimet e tyre Deputetët Spartak Braho, Edmond Stojku e Myslim Murrizi.

Ndërkohë që kreu i Komisioni Alket Hyseni tha se ekzistojnë elementët që Presidenti të hetohet jo vetëm për shkelje të detyrë, por edhe të veprave penale duke qenë se deklaratat e tij mund të lidhen edhe me përplasje që kanë shkaktuar humbje jete.

Lorenc Rabeta / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.