Shkëlqimi dhe ikja e Bezos si shefi ekzekutiv i Amazon – Pse pikërisht në datën 4 korrik?
Themeluesi i Amazon Jeff Bezos do të largohet zyrtarisht nga roli i tij si shefi ekzekutiv në 5 korrik, njoftoi ai gjatë takimit vjetor të aksionarëve të kompanisë.
Bezos do t’ia dorëzojë detyrën Andy Jassy, i cili aktualisht drejton Shërbimet Web të Amazon, pas një drejtimi gati tre dekadash duke udhëhequr gjigantin e internetit që e bëri atë një nga njerëzit më të pasur në botë. Bezos do të bëhet kryetari ekzekutiv i Amazon.
Kompania së pari njoftoi ndryshimin e udhëheqjes si pjesë e raportit të saj të fitimeve në shkurt, duke thënë se Jassy do të merrte përsipër gjatë tremujorit të tretë fiskal. Amazon (AMZN) nuk e kishte ndarë më parë datën e saktë të tranzicionit.
Koha është “sentimentale”, tha Bezos – 5 korriku është data kur Amazon u inkorporua në 1994. Unë jam shumë i ngazëllyer për të kaluar në rolin e [kryesuesit], ku do të përqendroj energjitë dhe vëmendjen time te produktet e reja” tha Bezos të Mërkurën.
Në Shkurt, ai tha se ishte duke pritur të kishte më shumë kohë për të punuar në sipërmarrjet e tij jashtë kompanisë, të tilla si Bezos Earth Fund dhe Blue Origin.
SCAN
Burimi: BBC
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.