Shkëmbimet tregtare Shqipëri-Kosovë! Si ndryshuan shifrat e importeve dhe eksporteve gjatë muajit të kaluar

Gjatë muajit prill të këtij viti rezulton se Shqipëria ka eksportuar në Kosovë 200 milion lekë më pak mallra. Në prillin e këtij viti vlera e eksporteve arriti në 1.8 miliard lekë kundrejt 2 miliard lekëve që ishte në të njëjtin muaj të një viti më parë.

Në rang katërmujori, janar-prill, rezulton se Shqipëria ka eksportuar drejt Kosovës 5.8 miliard lekë mallra kundrejt 6.1 miliardë lekë të së njëjtës periudhë të një viti më parë; 300 milion lekë më pak.

Sa i përket importeve nga Kosova, rezulton se Shqipëria në muajin prill të këtij viti ka tërhequr 764 milion lekë kundrejt 712 milion lekëve të të njëjtit muaj të një viti më parë. Rritja në këtë rast është me 52 milion lekë.

Në rang katërmujori, në periudhën janar-prill 2018 Shqipëria ka importuar nga Kosova mallra më vlerë 2 miliard e 377 milion lekë, kundrejt 2 miliard e 309 milion lekë të së njëjtës periudhe të një vite më parë. Në këtë rast, rritja e importeve në rang katërmujori rezulton me 68 milion lekë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.