Shkencëtarët krijojnë përmbajtjen metalike që vret viruset përfshirë dhe Covid – Pritet që të hidhet në prodhim masiv

Shkencëtarët kanë krijuar çelikun e parë inox në botë që vret viruset në sipërfaqen e tij, përfshirë patogjenin Covid-19, brenda pak orësh. South China Morning Post shkruan për këtë duke iu referuar Universitetit të Hong Kongut. Aliazhi mund të çaktivizojë 99,75% të SARS-CoV-2 në tre orë dhe 99,99% në gjashtë orë. Qëllimi është të zvogëlohet rreziku i kontaminimit të kryqëzuar nga dorezat e dyerve, butonat e ashensorit dhe sipërfaqet e tjera që na rrethojnë kudo.

Kreu i grupit shkencor Huang Mingxin tha se vetitë antimikrobike të lidhjes së tyre, të cilës i është shtuar bakri, mbeten afatgjata, edhe nëse çeliku dëmtohet vazhdimisht gjatë operimit. “Lidhja e re ka një përmbajtje më të lartë bakri (mbi 10%), gjë që i jep asaj veti antibakteriale,” tha ai. Për më tepër, aliazhi prodhohet duke përdorur teknologjinë e metalurgjisë pluhur, e cila mund të zvogëlojë kostot.

Përveç koronavirusit, ky çelik inox mund të mbrojë edhe kundër mikrobeve të tjera patogjene, në veçanti, ai ka demonstruar aftësi të shkëlqyera për të çaktivizuar, domethënë për të shkatërruar mikroorganizmat e rrezikshëm, virusin e influencës H1N1 dhe bakteret Escherichia coli.

Sipas zhvilluesve, lloji i ri i çelikut tashmë mund të hidhet në prodhim masiv. Shfaqja e tij në treg pritet për rreth gjashtë muaj. Studiuesit tani po negociojnë me përfaqësuesit e industrisë për të bërë butona ashensori, dorezat e dyerve dhe parmakët nga ky aliazh pasi këto janë ato që njerëzit prekin më shpesh.

Ne e dimë se sa kohë jeton koronavirusi në objekte të caktuara që nga fillimi i pandemisë. Pra, sipas një studimi të punonjësve të Institutit Kombëtar të Shëndetit, CDC, UCLA dhe Universitetit Princeton (SHBA), SARS-CoV-2 mund të zbulohet në sipërfaqe bakri deri në katër orë, në karton deri në 24 orë, në plastikë dhe çelik inox deri në dy tre ditë.

Shkencëtarët nga Shkolla e Shëndetit Publik në Universitetin e Hong Kongut kanë konfirmuar në mënyrë eksperimentale se agjenti shkaktar i pandemisë aktuale është më rezistent në sipërfaqet e lëmuara, megjithëse nuk mund të zbulohet në letër dhe peceta pas tre orësh.

Ajo u zhduk nga sipërfaqja e drurit dhe pëlhurave të trajtuara, përfshirë veshjet, në ditën e dytë, nga kartëmonedhat dhe qelqi në të katërtën. Sa i përket shtresës së jashtme të maskave mjekësore, SARS-CoV-2 është në gjendje të jetojë në të deri në një javë, ndërsa në shtresën e brendshme ka qëndruar aktiv për katër ditë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.