Shkencëtarët regjistrojnë një rekord të ri CO2 në atmosferë – Çfarë ndodh nëse emetimet vazhdojnë të rriten?
Nivelet e dioksidit të karbonit në atmosferë, që ngroh planetin, kanë kaluar një moment historik më shumë se 50% më të lartë se në periudhën para-industriale, sipas një raporti të ri.
Sipas Shoqatës Kombëtare Oqeanike dhe Atmosferike (NOAA), nivelet e CO 2 të matura në maj 2022 ishin 421 ppm (“pjesë për milion”).
Për krahasim, para revolucionit industrial në fund të shekullit të 19-të, nivelet e dioksidit të karbonit ishin 280 ppm. Vitet e kaluara kanë parë gjithashtu nivele rekord të emetimeve të dioksidit të karbonit, me 419 ppm në maj 2021 dhe 417 ppm në 2020.
Rritja e emetimeve ra vetëm në fillim të pandemisë së koronavirusit, por shpejt u kthye në kursin e mëparshëm.
Fakti është se automjetet, termocentralet dhe industritë në mbarë botën po vazhdojnë të prodhojnë emetime shumë më përpara se çdo përpjekje për të zbutur efektet e krizës klimatike.
Çfarë ndodh nëse emetimet vazhdojnë të rriten?
Rritja e emetimeve të karbonit do të ndikojë seriozisht sigurinë ushqimore të njerëzve dhe kushtet e jetesës në disa zona. Shumë studiues argumentojnë se nëse Toka ngrohet me më shumë se 2 gradë, deri në vitin 2035 njerëzimi do të arrijë pikën e mos-kthimit.
Ndikimet e parashikuara përfshijnë një rritje të zjarreve dhe fatkeqësive të tjera natyrore, si dhe një rritje të numrit të disa insekteve, të cilat do të rrisin rrezikun e malaries dhe sëmundjeve të tjera. Mbi 1 milion specie gjithashtu mund të zhduken nëse temperaturat vazhdojnë të rriten.
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.