Shkëputet masa shkëmbore në Vlorë! Policia: Shmangni aksin Uji i Ftohtë-Orikum! Mund të ketë shkëputje të tjera
Drejtoria Vendore e Policisë Vlorë njofton se në vendin e quajtur ”Kalaja”, është shkëputur një masë shkëmbi dhe ka mundësi të vazhdojnë të shkëputen të tjera. Policia për elementë sigurie ka marrë masa për bllokimin e qarkullimit të automjeteve në të dyja akset e rrugës Vlorë-Orikum.
“Luten të gjithë udhëtarët me automjet të mos vazhdojnë të qarkullojnë në aksin rrugor të Ujit të ftohtë drejtim Orikumit, ashtu edhe drejtuesit e mjeteve që vinë nga Orikumi drejtim qytetit të Vlorës” shkruhet në njoftimin e policisë. Për këtë ngjarje janë njoftuar Emergjencat Civile, reparti i Xhenjos si dhe kompania që mirëmban rrugën. Ndërkohë nuk ka pasur dëme në njerëz.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.