“Shkolla, qendër komunitare” – Hroni: Synim, shtrirja e projektit për sigurinë dhe qëndrueshmërinë
Nxënësit në shkolla vazhdojnë të përballen me fenomene si droga, dhuna dhe bulizimi. Kjo situatë ka vënë në lëvizje pushtetin qendror dhe atë lokal të cilët përmes projekteve të ndryshme, sic është edhe ai “ Shkollat qendër komunitare” kërkojnë ndërgjegjësimin dhe bashkëpunimin të të gjithë aktorëve për të krijuar sigurinë dhe qëndrueshmërinë në komunitet. Në forumin e organizuar me këtë temë, kreu i IDM Sotiraq Hroni vlerësoi si të rëndësishëm shtrirjen e këtij projekti i cili në disa bashki të vendit ka dhënë rezultate pozitive
Për zv. ministrin e Arsimit , Redi Shtino, nisma do të shtrihet në të gjitha shkollat e vendit
E pranishme në këtë aktivitet ishte dhe zv/ ambasadorja amerikane në Shqipëri Leyla Moses-Ones e cila kërkoi zbatimin korrekt të këtij projekti. Moses siguroi mbështetjën e SHBA-ve për cdo nisëm kundër dhunës dhe ekstremizmit.
Nisma “Shkolla, qendër komunitare” është ndërmarrë nga Ministria e Arsimit që në vitin 2015 dhe deri më tani është aplikuar në 217 shkolla në mbarë vendin . Ky projekt synon përmirësimin e komuniteteve nëpërmjet bashkëpunimit të shkollave me pushtetin vendor dhe policinë.
Nertila Doko / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.