Shkon në 223 numri i të prekurve me Covid-19 në vend – 11 raste të reja gjatë 24 orëve të fundit
Ministria e Shëndetësisë bën me dije se gjatë 24 orëve të fundit janë testuar 90 persona të dyshuar prej të cilëve janë konfirmuar 11 persona me Covid-19.
Deri në këto momente janë testuar 1526 raste të dyshuara dhe prej tyre janë konfirmuar pozitiv 223 raste. Ministria e Shëndetësisë bën me dije se gjatë mëngjesit të sotëm ka ndërruar jetë në Spitalin Infektiv një 79 vjeçar nga Tirana i konfirmuar me Covid-19. Sipas njoftimit numri i jetëve të humbura në vend nga koronavirusi ka shkuar në 11.
Në shërbimin infektiv ndodhen aktualisht 74 të shtruar prej tyre 7 janë në terapi intesive nga të cilët 4 janë të intubuar. Pjesa tjetër e të shtruarve vijon në gjëndje të stabilizuar.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.