Shkon në Kuvend ligji i ri që detyron bashkitë e vendit të shtojnë një strukturë të re në organikën e tyre!
61 bashkitë e vendit do të duhet të shtojnë një strukturë të re në organikën e tyre. Një projektligj I depozituar në Kuvend parashikon detyrimin për njësitë e vetqeverisjes vendore që të krijojnë një strukturë të posaçme për diasporën dhe migracionin, për administrimin e shërbimeve në nivel vendor, si pjesë administrative e njësisë vendore.
“Procesi i krijimit të infrastrukturës vendore për realizimin e përgjegjësive konkrete dhe përcaktimin e strukturave shtetërore përgjegjëse për marrëdhëniet me diasporën është instrument kyç në realizimin e angazhimit politik për të mbështetur e përkrahur komunitetin shqiptar jashtë vendit” shkruhet në relacionin e nismës së depozituar në Kuvend.
Ndryshimi në këtë projektligj vjen si rezultat i kërkesave imediate për implementimin e plotë të dispozitave kushtetuese për mbrojtjen e të drejtave të shqiptarëve që jetojnë jashtë kufijve.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.