SHMU përditëson parashikimin e motit – Ja si do të jetë koha gjatë kësaj jave!
SHMU informon se i ftohti që ka përfshirë vendin do të vijojë në ditët e para të kësaj jave dhe gradualisht në mesjavë këto masa do të tërhiqen ashtu sikundër dallohen dhe në vlerat e temperaturave të parashikuara më poshtë.
Sipas informacionit gjatë së hënës në verilindje nuk do të mungojnë në formë të izoluar flokë dëbore ndërsa ardhja e masave më të ngrohta gjatë së premtes do të sjellë sistem vranësirash të cilat në jug do të pasohen pasdite e në mbrëmje me reshje shiu të dobëta dhe po kështu në zonat malore do të rinisë bora e dobët.
SHMU njofton se era e ftohtë veriore deri në mesjavë do të kthejë drejtimin nga juglindja e lehtë e mesatare në bregdet ndërsa valëzimi do të jetë i forcës 3 dhe 4.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.