Shoferët e rinj në Kosovë me ngjitëse në xhamin e përparmë
Shoferët të cilët sapo kanë marrë patentën në Kosovë do të duhet të vendosin një ngjitëse në xhamin e makinës.
Ky është udhëzimi i ri administrativ nga Ministria e Infrastrukturës për drejtuesit e mjeteve.
Shoferët nën moshën 24 vjeç dhe ata të cilët nuk kanë më shumë se dy vjet nga marrja e patentës do të duhet të ngjisin një pullë të kuqe në xhamin e përparmë nga ana e pasagjerit.
Brenda ngjitësit në formë eliptike do të jetë e shkruar me ngjyrë të bardhë gërma “R” (që tregon se shoferi është i ri). Ngjtësi do të jetë relativisht i madh, me përasa 17,5 cm dhe 11,5 cm dhe do të përbëhet nga material që reflekton dritën.
Udhëzimi nuk prek shoferët nën 24 vjeç që e kanë profesion bazë drejtimin e automjetit, me kushtin që të kenë mbi dy vjet nga marrja e patentës për herë të parë.
Ndërkohë, një tjetër ngjitës në formë katrore me ngjyrë portokalli dhe me dy fëmijë në brendësi, do të vendoset në mjetet të cilat bëjnë transportin e organizuar të nxënësve dhe fëmijëve. Ky ngjitës do të jetë edhe më i madh, me përmasë 40 centimetra.
Angelo Haruni/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.