Shoqata e Bankave zgjedh kryetarin – Silvio Pedrazzi do të pasojë Periklis Drougkas
Silvio Pedrazzi është kryetari i ri i Shoqatës Shqiptare të Bankave. Asambleja e anëtarëve zgjodhi këtë javë drejtorin e përgjithshëm të bankës Intesa Sanpaolo – Shqipëri për të pasuar Periklis Drougkas, i cili la detyrën e tij në Alpha Bank në fund të vitit të kaluar.
Silvio Pedrazzi drejton bankën shqiptare të grupit Intesa Sanpaolo që prej vitit 2013 dhe ka një eksperiencë afro 40 vjeçare pune në sektorin bankar. Ai është njëkohësisht edhe kryetar i Shoqatës së Investitorëve të Huaj të Shqipëri.
Asambleja e Shoqatës Shqiptare të Bankave zgjodhi njëkohësisht edhe dy anëtarë të rinj të Bordit Drejtues të Shoqatës, që do të jenë Maltin Korkuti, drejtor i përgjithshëm i Credins Bank, dhe Adela Leka, drejtuese e drejtorisë ekzekutive të ProCredit Bank. Adela Leka do të jetë njëkohësisht edhe nënkryetare e Shoqatës Shqiptare të Bankave.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.