Shoqatat e lirive civile kundër BE-së: “Pasaporta dixhitale e vaksinës nuk mbron të dhënat personale”
Një koalicion prej 28 grupeve të lirive civile i shkroi një letër Parlamentit Evropian duke e kërkuar që të rishikojë projektin e saj të pasaportës dixhitale të vaksinës.
Organizatat janë “alarmuar nga mungesa e mbrojtjes së të dhënave personale” në propozimin aktual dhe vërejnë se nuk ka “asnjë mbrojtje kundër mbikëqyrjes” dhe se projekti “duhet të bëjë çmos për të rritur mbrojtjen e të dhënave” dhe të mos prodhojë diskriminim.
Komisioni i BE-së më 17 Mars paraqiti një propozim për një kalim të gjelbër i cili është në fazën e miratimit.
Dokumenti, i cili duhet të lejojë lëvizjen e lirë të rikthehet jo vetëm brenda BE-së, do të raportonte informacion mbi vaksinat, testet negative ose kurat nga Covid, falë të cilave qytetarët do të jenë të lirë të lëvizin.
“Duhet të sqarohet se vetëm një verifikim offline përmes një infrastrukture publike mund të garantojë parimet e privatësisë.” – shkruajnë shoqatat.
Më në fund, shoqatat drejtojnë gishtin drejt diskriminimit që hapet me miratimin e një karte vaksinimi, si në gëzimin e të drejtave për ata që nuk janë të vaksinuar, ashtu edhe për ata që nuk kanë statusin e rezidentit të BE-së, siç janë migrantët pa dokumente dhe për shkak se nuk ka një pajisje të përshtatshme për të marrë dokumentin dixhital. (ANSA)
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.