Shoqëritë aksionare shtetërore – Udhëzimi i ri, Këshillat Mbikëqyrës marrin kompetenca të reja për administrimin e kompanive
Qeveria ka miratuar në prill një Udhëzim të ri për mënyrën si do zgjidhen, si do paguhen, dhe si do funksionojnë Këshillat Mbikëqyrës të Shoqërive Aksionere Shtetërore.
Sipas dokumentit të zbardhur nga Televizioni Scan, për shoqëritë e vogla dhe të mesme, Këshillat do të tre anëtarë; ndërsa për shoqëritë që veprojnë në sektorët. 2/3 e anëtarëve të këshillit mbikëqyrës propozohen nga përfaqësuesi i pronarit, ndërsa 1/3 propozohet nga ministritë e linjës administrative.
Ndërkaq, Kandidati për anëtar në këshillin mbikëqyrës duhet të plotësojë kriteret, si më poshtë: të jetë punonjës i institucioneve shtetërore qendrore, me eksperiencë jo më pak se 5 vjet; por mund të jetë specialist i institucioneve kërkimore shkencore, pedagog i universiteteve shtetërore, me vjetërsi në punë jo më pak se 5 vjet, si dhe persona që gëzojnë autoritet profesional në fusha të caktuara.
Ndërkohë që risitë kryesore vijnë kur vjen fjala te kompetencat e Këshillave. “Këshilli mbikëqyrës është organ vendimmarrës në shoqëri. Ai ushtron kontroll të vazhdueshëm ndaj drejtorisë e cila administron Shoqërinë”, përcakton Udhëzimi.
Këshilli mbikëqyrës, me 2/3 e anëtarëve, përcakton numrin e anëtarëve të drejtorisë, emëron anëtarët e drejtorisë dhe, me miratimin paraprak të ministrit të Financave dhe Ekonomisë (asamblesë), ngarkon njërin prej anëtarëve të saj me cilësinë e administratorit të përgjithshëm. Në vendimin për emërim në detyrë, përcaktohet edhe paga e administratorit të shoqërisë.
Me Udhëzimin e ri, Këshilli mbikëqyrës ka tagrin ligjor t’i propozojë Ministrisë së Financave ndryshimin e programit të veprimtarisë afatshkurtër, afatmesëm dhe afatgjatë të shoqërisë; hapjen e veprimtarive ose njësive të reja dhe ndryshimin e objektit të shoqërisë; si dhe shitjen e pasurive që përbëjnë aktivin e qëndrueshëm të shoqërisë.
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.