Shpallet tenderi/ 2.4 milionë lekë për “pastrimin” e Fushë – Krujës
Bashkia Krujë ka shpallur një tender me fond 2.4 milionë lekë për mbetjet urbane në Fushë – Krujë. Sipas detajeve të tenderit, fondi do të kanalizohet në makineri dhe mjete, si automjete transporti vetëshkarkues, eskavator me zinxhir, fadromë, etj.
“…lind domosdoshmëria e kryerjes së shërbimit të pastrimit të qytetit dhe periferisë së tij, si dhe e largimit të mbetjeve urbane, e për pasojë dhe e sistemimit të vend-depozitimit të mbetjeve urbane, si pasojë e sasive të mëdha që depozitohen herë pas here, shërbim i cili kërkohet të prokurohet dhe do të realizohet me operatorë ekonomik të licencuar në fushën përkatëse” specifikohet në detajet e tenderit.
Afati kohor për ekzekutim është 12 muaj, që nga nënshkrimi i kontratës me subjektin fitues.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.