Shpallet tenderi/ 623 milionë lekë për Mirditën – Fondi do të ndahet mes Rrëshenit dhe Rubikut

Bashkia Mirditë ka shpallur një tender për punime rindërtimi pallatesh, shkollash, si dhe sheshesh ndërtimi për banesa individuale. Fondi i vënë në dispozicion është 623.2 milionë lekë.

Sipas detajeve të projektit të shpallur në Agjencinë e Prokurimit Publik, fondi do të shkojë për rikonstruksionin e objekteve të dëmtuara nga tërmeti i 26 nëntorit, në Rrëshen dhe Rubik.

Punimet do të ekzekutohen brenda një afati prej 1 viti e gjysmë, që nga nënshkrimi i kontratës me subjektin fitues.

Jenida Vladi/ SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.