Shpallet tenderi për Aeroportin e Kukësit – 25 milionë lekë për mbështetje operacionale
Albcontrol, ka shpallur tenderin me fond 25 milionë lekë, për mbështetje operacionale në Aeroportin e Kukësit.
“ALBCONTROL, Shërbimi i Lundrimit Ajror të Shqipërisë, është përgjegjës për të siguruar Shërbimet e trafikut Ajror në aerodromet e kontrolluara në Shqipëri. Një kompani e kualifikuar do të kontraktohet nga Albcontrol për të mbështetur operimet në Aeroportin e Kukësit për të përgatitur dhe siguruar Aftësinë Fillestare të Operimit” specifikohet në detajet e tenderit.
Tenderi i shpallur në Agjencinë e Prokurimit Publik do të qëndrojë i hapur deri më 1 Mars.
Jenida Vladi/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.