Shpallet tenderi për tregun e prodhimeve bujqësore në Borsh – Detajet e projektit, që nga mbledhja e shitësve ambulantë e deri te fondi
Bashkia Himarë ka shpallur tenderin për ndërtimin e qendrës së tregut të prodhimeve bujqësorë në Borsh. Fondi i vënë në dispozicion të projektit është 8.3 milionë lekë.
“Ky objekt do të grumbullojë shitësit ambulant, do të ulë problematikat e gjetjes së vendeve të shitjes dhe do të rregullojë çmimet e tregut. Gjithashtu, banorët rezident dhe jo rezident, turistët do të mund të kenë një vend ku të shohin produktet e larmishme vendase me çmimet përkatëse” specifikohet në detajet bashkangjitur projektit.
Funksionet kryesore që të tregut, referuar të dhënave të projektit, janë ndërhyrja në blerjen e produkteve bujqësore, për t’i magazinuar ose për t’i shitur me synimin që të arrijë stabilizimin e çmimeve të produkteve bujqësore e blegtorale, akumulimi i rezervave të tepërta të produkteve bujqësore e blegtorale dhe menaxhimi i tyre, mbështetja e tregtarëve që merren me tregtimin e produkteve që vijnë nga bujqësia.
Afati kohor për ekzekutim është 3 muaj, që nga nënshkrimi i kontratës me subjektin fitues.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.