Shpenzimet për “pastrimin” – Bashkia Gramsh, kosto shërbimi më të lartë se të ardhurat
Transparenca e munguar nga Bashkitë për fondet të cilat përdoren për pastrimin e qyteteve, është një nga problematikat që është ngritur shpesh herë nga Ministri i Mjedisit. Duke qenë se nuk ka të dhëna të sakta për prodhimin, mbledhjen dhe përpunimin e mbetjeve çdo bashki mund të “abuzojë” me deklarimin e vlerave financiare që përdoren për këtë qëllim.
Kështu sipas një raporti auditimi të KLSH në Bashkinë e Gramshit rezulton se ka shkelje të konsiderueshme. Nga auditimi i shpenzimeve të pastrimit të qytetit me sipërmarrje private, për vitet 2013, 2014, 2015 dhe 2016, është konstatuar se planifikimi dhe realizimi i tyre paraqitet i fryrë në disa zëra mbështetur dhe në verifikimet e kryera në terren.
Kostoja e pastrimit është në raport të zhdrejtë me të ardhurat e tarifës së pastrimit e cila mbulon 50% të këtij shërbimi. Por shkeljet e kësaj bashkie nuk janë të fokusuar vetëm në sektorin e pastrimit.
Sipas raportit të KLSH, rezulton se Bashkia Gramsh, në fund të vitit 2016 rezulton debitor në vlerën 82 milionë lekë për fatura të pa likuiduara, ndërkohë që ka detyrimeve në vlerën 21 milionë lekë ndaj punonjësve të larguar.
Entela Barjamaj/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.