“Shpenzoni më pak se sa fitoni”, ky është çelësi i kursimit të parave

Të shpenzosh më pak se sa fiton, duket e thjeshtë apo jo? Megjithatë ka shumë njerëz që mbyten në borxhe kur vjen fundi i muajit.

Ashtu sikurse ka dhe plot të tjerë të cilët shpenzojnë të gjithë rrogën e tyre çdo muaj duke mos kursyer asnjë kacidhe. Nëse ju shpenzoni më pak se sa fitoni do të përfitoni shumë.

Më poshtë ne kemi përzgjedhur disa nga arsyet më bindëse pse është e rëndësishme të filloni të shpenzoni tani më pak se sa fitoni.

1.Ju eliminoni marrjen e borxheve

2.Filloni të keni disa para më shumë

3.Niveli juaj i stresit ulet

4.Nëse ju ndodh të largoheni nga puna dhe keni lekë të hequra do t’i konsideroni ashtu siç duhet mundësitë që ju ofrohen

Por pavarësisht gjërave pozitive që ofron kursimi i parave nëse ju jeni mësuar me tjetër praktikë në shpenzimin e parave mund t’ju duket pak e vështirë kursimi I tyre. Kështu më poshtë do të gjeni disa teknika të cilat do t’ju ndihmojnë të kurseni më shumë e të shpenzoni më pak.

1. Shikojeni me imtësi çdo faturë mujore

Ka ardhur momenti të rishikoni çdo faturë me imtësi. Pyeteni veten nëse në të vërtetë keni nevojë për shërbime të tilla. Nëse kuptoni se ato janë shpenzimet të cilat mund të reduktohen lehtësisht hiqni dorë.

2. Shënoni çdo shpenzim tuajin

Vetëm duke mbajtur shënim të gjitha shpenzimet që ju bëni do t’ju bëjë të mendoni dy herë për të gjitha shpenzimet e panevojshme.

3. Shikoni me kujdes turitën tuaj

Shikoni atë që bëni çdo ditë. A ka gjëra që I bëni çdo ditë të cilat kushtojnë shumë para? Përpiquni të pakësoni porosinë tuaj të përditshme si për kafet ashtu edhe për të gjitha ushqimet që konsumoni jashtë shtëpisë.  Mund të duken gjëra të vogla por janë pikërisht këto të cilat kushtojnë më së shumti në faturat mujore.

4. Përpiquni të përmirësoni energjinë rreth shtëpisë suaj

Nëse ju filloni t’i bëni pjesë të rutinës suaj disa nga këto veprime do të shikoni që situata juaj do të përmirësohet. Është shumë e rëndësishme energjia me të cilën zgjoheni në mëngjes dhe rutina juaj për sa i përket shpenzimit të parave. Sapo të përmirësoni këtë do të vini re se edhe humori juaj do të përmirësohet.

V.H/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.