“Shpenzoni sa më shumë që të mundeni” – Kreu i FMN: Do të ndihmohet ringjallja e ekonomive në këtë periudhë

Politikëbërësit në të gjithë botën duhet të përqafojnë më shumë shpenzime për të ndihmuar në ringjalljen e ekonomive të tyre tejet modeste, u shpreh kreu i Fondit Monetar Ndërkombëtar në forumin vjetor ekonomik të Rusisë.

Drejtorja Menaxhuese, Kristalina Georgieva nuk dha ndonjë parashikim specifik ekonomik, por e bëri të qartë mendimin e saj për qeveritë, që të shtonin shpenzimet e tyre dhe se një qasje e sinkronizuar ndërkombëtarisht ishte më e mira për rritje.

Në vitin 2020, FMN siguroi mbështetje për 83 vende, tha ajo.

“Për sa i përket politikave për momentin, shumë të pazakonta për FMN, duke filluar nga Marsi do të dilja dhe do të thosha: ‘ju lutemi shpenzoni’, tha Georgieva.

Ajo  vlerësoi reagimin e sinkronizuar të Rusisë ndaj sfidave ekonomike të krijuara nga pandemia COVID-19, duke përmendur lehtësimin monetar të bankës qendrore dhe stimulin fiskal nga ministria e financave dhe  gjithashtu bëri thirrje për më shumë bashkëpunim ndërkombëtar, siç është parë në garën për një vaksinë COVID-19, mbi nxitjen për rritjen dixhitale dhe rritjen ekonomik të bazuar në teknologjinë e gjelbër.

“Stafi i FMN llogarit që një stimul fiskal i koordinuar i G20 në infrastrukturën e gjelbër, nëse bëhet në një mënyrë të koordinuar, do të jepte dy të tretat më shumë në rritje … sesa nëse secili vend vepron më vete,” u shpreh Georgieva.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.