Shpërndahen 121.4 milionë lekë për 62 dosje kompensimi pronash (Lista e përfituesve)

Agjencia e Trajtimit të Pronave (ATP) njofton se ka përfunduar procesin e shqyrtimit për 62 (gjashtëdhjetë e dy) kërkesa, të cilat përfitojnë këstin e parë, të dytë, të tretë, të katërt dhe të pestë të kompensimit në të holla në një total prej 70% të vlerës totale të miratuar me VKM-të përkatëse.

“Për 62 (gjashtëdhjetë e dy) kërkesat,e mësipërme, për të cilat ka përfunduar procesi i shqyrtimit nga ana e ATP-së, ka rezultuar se dokumentacioni i tyre është në përputhje me kriteret e përcaktuara në Vendimin e Këshillit të Ministrave nr. 383, datë 19.05.2010 “Për përcaktimin e procedurave të shpërndarjes së fondit të kompensimit në vlerë për pronarët e pasurive të paluajtshme, pronë private, që preken nga ndërtimet informale”, i ndryshuar.

Fondi financiar që shpërndahet nga ATP për këto 62 (gjashtëdhjetë e dy) kërkesa,është në vlerën: 121 483 266,18 (njëqind e njëzet e një milionë e katërqind e tetëdhjetë e tre mijë e dyqind e gjashtëdhjetë e gjashtë presje tetëmbëdhjetë)” njofton Agjencia e Trajtimit të Pronave.

Të dhënat në lidhje me pasuritë që kompensohen dhe mbi gjeneralitetet e subjekteve përfitues jepen në listën bashkëlidhur këtij njoftimi.

Agjencia e Trajtimit të Pronave (ATP) njofton subjektet e interesuara se vlerat përkatëse për secilin përfitues do të jenë disponibël në llogaritë e tyre në bankat e nivelit të dytë pas përfundimit të procedurave të transfertave bankare në ditët në vazhdim.

Lista emërore: https://drive.google.com/file/d/1J6qj-iCE2T-ooe3AcPNjlwJJHjBZV_yD/view

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.