Shpërndarja e vaksinave sjell betejën e rradhës/ Aeroporti i Frankfurti përballë sfidës më të madhe logjistike që ka përballuar ndonjëherë!
Pas miratimit të disa vaksinave efektive ndaj COVID-19, stafi i Aeroportit të Frankfurtit po përgatitet për të trajtuar sfidën më të madhe logjistike, të hasur ndonjëherë; transportimit të miliona dozave të këtyre vaksinave në të gjithë botën.
Frankfurti është qendra më e madhe e Evropës për transportimin e mallrave farmaceutikë ndaj është zgjedhur si çelësi i suksesit të inokulimit të miliona njerëzve kundër koronavirusit vdekjeprurës.
Stresi po rritet tani që po hyjmë në fazën ‘e nxehtë’ “, tha Karin Krestan, kreu i operacioneve të Lufthansa Cargo. Krestan, e cila përdor aftësitë e saj si një ish-infermiere, është e sigurt që ekipi i saj është i gatshëm për përballimin e një sfide të këtij niveli.
“Plani është gati dhe ne jemi shumë të sigurt dhe ndihemi të përgatitur mirë për ta çuar deri në fund me sukses një sfidë të tillë’’- ka deklaruar ajo.
Terminali i ngarkesave të Frankfurtit ka punuar gjatë gjithë kohës që nga fillimi i pandemisë, duke shpërndarë ilaçe, pajisje kirurgjikale dhe maska duke mbështetur zinxhirët globalë të furnizimit ndërsa transoporti për pasagjerët u stopua.
Ky aeroport ka 12,000 metra katrorë depo të kontrolluara nga temperatura, thelbësore për ruajtjen e ilaçeve, me 2,000 metra katrorë depo të ftohtë, ideale për vaksinat. Ndërkaq, kohët e fundit në aeroportin e Frankfurtit u investua për sigurimin e disa frigoriferëve të teknologjisë së lartë që transportojnë vaksinat nga depot e ftohta në aeroplanë, duke siguruar plot 20 të tillë.
Disa vaksina, të tilla ajo e prodhuar nga AstraZeneca dhe Universiteti i Oksfordit, mund të transportohen në temperatura normale të frigoriferit. Por Pfizer, i zhvilluar në laboratorin BioNTech në Mainz, rreth 20 km nga aeroporti i Frankfurtit, duhet të ruhet në rreth -70 gradë C.
Kjo kërkon kontejnerë me madhësi të konsiderueshme, të cilët përdorin akull për të mbajtur përmbajtjen në temperatura shumë të ulëta. Këta kontejnerë mund të funksionojnë deri në 120 orë pa furnizim me energji elektrike, aq kohë sa të arrijnë në destinacione të largëta.
Kohët e fundit BE ra dakord për të blerë 300 milion doza të vaksinës Pfizer / BioNTech, duke parashikuar kështu dhe një operacion të madh logjistik, ku shumica e transporteve do të kryhet në Frankfurt në muajt e ardhshëm. Ndërsa aeroporti ka kapacitetin për të transportuar ngarkesën në kushte tepër të ftohta, Krestan vuri në dukje se kapaciteti i fluturimit do të jetë një faktor kryesor në ritmin e shpërndarjes.
Sigurimi i një doze të vetme për gati tetë miliardë njerëz në botë do të kërkonte 8,000 avionë jumbo, vlerësoi shoqata e transportit ajror IATA në shtator, duke shtuar se industria e ngarkesave përballet me “sfidën e saj më të madhe të transportit ndonjëherë”. Avionët e ngarkesave normalisht mund të mbajnë deri në një milion doza, përveç rasteve kur temperaturat nën zero duhet të jenë thelbësorë për mbarëvajtjen e procesit.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.