Shpërthen gjatë çmontimit bomba më e madhe e Luftës së Dytë Botërore e gjetur në Poloni. 750 njerëz të evakuuar
Bomba më e madhe e gjetur ndonjëherë në Poloni nga Lufta e Dytë Botërore ka shpërthyer nën ujë, ndërsa marinasit po përpiqeshin ta çmontonin. Pesha e bombës së sojit Tallboy ishte gati 5.400 kg, përfshirë 2.400 kg eksploziv.
Më shumë se 750 njerëz ishin evakuuar nga zona afër kanalit ‘Piast’, jashtë qytetit Swinoujscie.
“Procesi i çmontimit u kthye në shpërthim. Objekti mund të konsiderohet si i neutralizuar dhe nuk do të paraqesë më kërcënim. I gjithë ekipi i çmontimit të minave ishte jashtë zonës së rrezikut.” tha togeri Grzegorz Lewandowski, zëdhënës i Flotës së Mbrojtjes Bregdetare.
Sipas mediave lokale, përveçse askush nuk u lëndua, nuk pati dëme as në infrastrukturë.
Burimi origjinal: Reuters
Përshtati në shqip: SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.