Shpërthim i fuqishëm në një fabrikë kimike në Spanjë – Raportohen 8 të lënduar dhe një i vdekur (VIDEO)

Një zjarr masiv shpërthyer në një fabrikë kimike në portin spanjoll të Tarragona në Spanjë, tashmë është vënë nën kontroll nga zjarrfikësit, bëhet me dije nga shërbimet e urgjencës.

Shpërthimi, i cili ndodhi 115 kilometra në jug-perëndim të Barcelonës, të martën në mbrëmje u dëgjua aq larg se 50 kilometra dhe tronditi muret e shtëpive, thanë banorët për një radio lokale. Të paktën një person ka vdekur dhe tetë të tjerë janë të plagosur rëndë, thanë autoritetet.

Për shkak të valës së shpërthimit, një person vdiq kur një element strukturor (ndoshta një çati) u rrëzua nga një dysheme në lagjen Torreforta në Tarragona, tregon media lokale. Banorët vendas postuan video ku tregojnë pasojat e shpërthimit, me flakë dhe një kolonë të madhe tymi të zi që del nga një zonë e mbushur me tanke të mëdha industriale.

Tarragona është një qytet me 800 mijë banorë. Që nga viti 2015, ajo ka vendosur një qendër kimike 1,200 hektarë të njohur si ChemMed e cila është më e madhja në llojin e saj në Europën Jugore. Quim Torra, presidenti i Katalonjës që nga viti 2018, i siguroi njerëzit të mos shqetësohen padrejtësisht për renë e tymit: “Nuk ka asnjë element toksik”, i tha ai gazetës spanjolle El Pais.

Ekzistojnë të paktën 29 kompani zjarrfikës që punojnë aktualisht në zhdukjen e zjarrit: “Ne vazhdojmë të inspektojmë sitin për çdo person të bllokuar” thuhet në njoftim. (Euronews)

E.S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.