Shpikësi francez arrin të kalojë nga Franca në Angli me ‘hoverboard’
Shpikësi francez Franky Zapata ka kapërcyer me sukses Kanalin në një hoverboard për herë të parë, pas një përpjekjeje të dështuar muajin e kaluar.
Zapata u nis nga Sangatte, në Francën veriore herët të dielën në mëngjes dhe zbarkoi në Gjirin e Shën Margaretit, afër Doverit në Angli. Udhëtimi zgjati pak më shumë se 20 minuta, sipas agjencisë së lajmeve Reuters.
Në një intervistë pasi përfundoi udhëtimin e tij, Zapata tha se për sfidën e tij të radhës ishte duke punuar për një makinë fluturuese dhe kishte nënshkruar disa kontrata, por tani për tani ai “ishte i lodhur” dhe “dëshiron pushime”.
Burimi: CNN
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.