Shpronësime në Fier – Rreth 3.1 milion lekë për pronarët e pasurive të paluajtshme që preken nga rikonstruksioni i rrugës “Jakov Mile”
Nëpërmjet një vendimi të Këshillit të Ministrave dhe njoftuar në faqen zyrtare të kryeministrisë është vendosur shpronësimi, për interes publik, të pronarëve të pasurive të paluajtshme, pronë private, që preken nga realizimi i projektit “rikonstruksioni i rrugës “Jakov Mile”, segmenti II, lagjja “Apolonia”, Fier. Ky shpronësim bëhet në favor të Bashkisë Fier.
Pronarët do të kompensohen në vlerë të plotë, sipas masës përkatëse, për pasuritë e llojit “truall” dhe “ndërtesë”, me vlerë të përgjithshme prej 3 145 710.50 (tre milionë e njëqind e dyzet e pesë mijë e shtatëqind e dhjetë pikë pesëdhjetë) lekësh e cila do të përballohet nga buxheti i Bashkisë Fier për vitin 2022.
Shpronësimi fillon menjëherë, pas botimit të këtij vendimi në fletoren zyrtare dhe afati i përfundimit të shpronësimit të jetë brenda 3 (tre) muajve nga data e hyrjes në fuqi të tij.
Ky vendim hyn në fuqi menjëherë dhe botohet në “Fletoren zyrtare”.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.