Shpronësime në Fier – Rreth 6 milion lekë për përfituesit që preken nga realizimi i objektit “Rivitalizimi i rrugës ‘Andon Profka’
Agjencia Shtetërore për Shpronësimin ka shpallur kërkesën për shpronësim për interes publik të pronarëve të pasurive, pronë private, që preken nga realizimi i objektit “Rivitalizimi i rrugës ‘Andon Profka’ dhe i hapësirave përreth saj, Fier”. Subjekti kërkues i këtij projekti është Bashkia Fier.
Personat e prekur nga ky shpronësim, për interes publik, për pasuritë e paluajtshme, pronë private, do të kompensohen sipas vlerësimit paraprak të llogaritur si më poshtë vijon:
1.Për pasuritë e llojit “truall”, vlerësimi është kryer bazuar në vendimin nr. 89, datë 3.2.2016, të Këshillit të Ministrave “Për miratimin e hartës së vlerës së tokës në Republikën e Shqipërisë”.
2.Për pasuritë e llojit “ndërtesë/njësi”, vlerësimi është kryer sipas VKM-së nr. 138, datë 23.3.2000, “Për kriteret teknike të vlerësimit dhe të përllogaritjes së masës së shpërblimit të pasurive që shpronësohen, të pasurive që zhvlerësohen dhe të të drejtave të personave të tretë, për interes publik”, të ndryshuar.
Vlera totale paraprake e shpronësimit është 6,084,267 (gjashtë milionë e tetëdhjetë e katër mijë e dyqind e gjashtëdhjetë e shtatë) lekë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.